ອີງຕາມການລາຍງານຈາກຫ້ອງການກະສິກຳ ແລະ ປ່າໄມ້ເມືອງເງິນ ໃນວັນທີ 25 ຕຸລານີ້,ໃຫ້ຮູ້ວ່າ ການເກັບກູ້ເຂົ້ານາປີ ຂອງຊາວກະສິກອນ ຢູ່ເມືອງເງິນ ແຂວງໄຊຍະບູລີ ແມ່ນເປັນຂະບວນຟົດຟື້ນ ແລະ ກວ້າງຂວາງ ມາຮອດປັດຈຸບັນນີ້ແມ່ນສຳເລັດແລ້ວ 358.88 ເຮັກຕາ ເທົ່າກັບ 50% ຂອງເນື້ອທີ່ທັງໝົດ 717,67 ເຮັກຕາ ຄາດວ່າຈະໃຫ້ສໍາເລັດ100%.ໃນກາງເດືອນພະຈິກ 2023 ນີ້.ໄປພ້ອມໆກັບການເກັບກູ້ເຂົ້ານາປີ ຊາວກະສິກອນຍັງໄດ້ສຸມໃສ່ເກັບກູ້ເຂົ້າເນີນສູງຂອງເນື້ອທີ່ຈັດຕັ້ງປະຕິບັດ 1.563,94 ຮຕ ເກັບກູ້ແລ້ວ 619,67 ຮຕ, ເທົ່າກັບ 39,62% ແລະ ສຸມໃສ່ເກັບກູ້ພືດລະດູຝົນເປັນຕົ້ນ ພືດອຸດສາຫະກຳ ເຊັ່ນ: ໝາກເດືອຍ, ສາລີແຂງ,ຂີງພັນ,ຝ້າຍ ແລະ ພຶດອື່ນໆ ສຳເລັດແລ້ວ 13,43 % ຂອງເນື້ອທີ່ທັງໝົດ 7.978,95 ເຮັກຕາ.ພືດສະບຽງອາຫານ ເກັບກູ້ແລ້ວ 98% ຂອງເນື້ອທີ່ທັງໝົດ 736,45 ເຮັກຕາ.
ຖ້າທຽບໃສ່ປີຜ່ານມາ ການເກັບກູ້ເຂົ້ານາປີ ແມ່ນມີຄວາມສະດວກສະບາຍ ເນື່ອງຈາກວ່າດິນຟ້າອາກາດໄດ້ເອື້ອອຳນວຍຄວາມສະດວກເຮັດໃຫ້ການເກັບກູ້ຜົນຜະລິດໄດ້ສຳເລັດເປັນຈຳນວນຫຼາຍ. ພາຍຫຼັງສຳເລັດການເກັບກູ້ພືດລະດູຝົນແລ້ວ ທາງຫ້ອງການທີ່ກ່ຽວຂ້ອງຍັງຈະໄດ້ພ້ອມກັນລົງຊຸກຍູ້ສົ່ງເສີມ ໃຫ້ປະຊາຊົນ ປູກພືດລະດູແລ້ງ ໃຫ້ເປັນຂະບວນການຝົດຟື້ນ.
(ຂ່າວ: ອິນແປງ ແຫວນຄຳ; ພາບ: ສຸລິຍາ ແສງເດືອນ)
ຖ້າທຽບໃສ່ປີຜ່ານມາ ການເກັບກູ້ເຂົ້ານາປີ ແມ່ນມີຄວາມສະດວກສະບາຍ ເນື່ອງຈາກວ່າດິນຟ້າອາກາດໄດ້ເອື້ອອຳນວຍຄວາມສະດວກເຮັດໃຫ້ການເກັບກູ້ຜົນຜະລິດໄດ້ສຳເລັດເປັນຈຳນວນຫຼາຍ. ພາຍຫຼັງສຳເລັດການເກັບກູ້ພືດລະດູຝົນແລ້ວ ທາງຫ້ອງການທີ່ກ່ຽວຂ້ອງຍັງຈະໄດ້ພ້ອມກັນລົງຊຸກຍູ້ສົ່ງເສີມ ໃຫ້ປະຊາຊົນ ປູກພືດລະດູແລ້ງ ໃຫ້ເປັນຂະບວນການຝົດຟື້ນ.
(ຂ່າວ: ອິນແປງ ແຫວນຄຳ; ພາບ: ສຸລິຍາ ແສງເດືອນ)
ຄໍາເຫັນ